HAYAANNEWS.NET
Nuxurka Kulan Dhexmaray Madaxweyne Muuse Biixi Iyo Madax-dhaqameedka Beelaha GAR-XAJIS
December 6, 2017 - Written by Mustafe Jannaale

Hargeysa(Hayaannews)-Madaxwaynaha dhawaan la doortay ee Somaaliland  Md Muuse Biixi Cabdi ayaa qasriga madaxtooyada kulan kula qaatay maanta madax-dhaqameedka Somaliland.

Waxaana kulankan oo ahaa mid maalmihii u danbeeyeyba qaban qaabadiisu socotay isla markaana aan wali rasmi ah kasoo bixin ayaa waxay labada dhinacba ay ka wada hadleen sidii la iskugu soo dhawayn lahaa bulshada reer Somaliland ee siyaasadda iyo ololihii Xisbiyadu kala irdheeyeen.

Waxaana kulankan uu noqday mid la isla meel dhigay sidii bulshada kala qaybsantay la iskugu soo laab xaadhi lahaa looguna soo celin lahaa midowgii ka dhaxeeyey.

Waxgaradka beesha oo ay xubno ka yihiin salaadiinta ugu magaca weyn beeshan oo ay ka mid yihiin Suldaan Maxamed Suldaan Xirsi-qani, Suldaan Maxamed Suldaan Cabdiqaadir, Suldaan Aadan Suldaan Faarax, Suldaan Yuusuf Muxumed Xiirey, Suldaan Maxamed Suldaan Xasan Barre, Suldaan Saleebaan Boqor Cismaan iyo siyaasiyiin miisaan culus ku leh Somaliland, ayaa madaxweynaha gurigiisa ku booqday maanta, waxaanay si kal iyo laab ah u bogaadiyeen guushii isaga iyo ku-xigeenkiisu kasoo hooyeen doorashadii madaxtinimada ee dalka ka dhacday, iyaga oo Allena uga baryey inuu xilka u fududeeyo oo caddaaladda ku sugo, isla markaana waxay si cad ugu sheegeen inay si xilkasnimo leh ula shaqayn doonaan.

Madaxweynaha la doortay Mudane Muuse Biixi, ayaa isna dhankiisa madax-dhaqameedka, waxgaradka, ganacsatada iyo hormoodka beesha Garxajis si qiimo iyo qadarin leh u soo dhaweeyey, iyadoo kulanka ay ku wehelinayeen Madaxweyne-ku-xigeenka Md. Cabdiraxmaan Cabdilaahi Ismaaciil (Saylici) iyo xubno sarsare oo hoggaanka xisbiga KULMIYE ka tirsan, waxaana halkaas laga jeediyey hadallo ay labada dhinac isugu muujiyeen inay si dhaw u wadashaqayn doonaan, isla markaana ay gacmaha isu qabsan doonaan sidii gebi ahaanba bulshwo-weynta reer Somaliland midnimadooda iyo wadajirkooda u sii xoogaysan lahaa oo aannu marnaba wiiqmin.

Xubno ka mid ah salaadiinta ugu magaca weyn geyiga Somaliland oo ay kamid yihiin Suldaan Maxamed Suldaan Cabdiqaadir, Suldaan Maxamed Suldaan Xirsi Qani, Suldaan Aadan Suldaan Faarax iyo odayaal kale oo kulanka ka hadlay, ayaa madaxweyne Muuse Biixi u sheegay inay beel ahaan ka midaysan yihiin la shaqayntiisa iyo ku gacan-siinta arrimaha horyaalla, isla markaana ay ka go’an tahay in Somaliland oo gacmaha is wada haysataa garab istaagto madaxweynaha ku-xigeenkiisa la doortay, iyagoo ka codsaday madaxweynaha cusub inuu si cilmiyeysan wax uga qabto wixii tabasho ah ee jira.

Siyaasiyiin waaweyn oo beeshan ka soo jeeda oo ay ka mid yihiin Ambassador Xuseen Cali Ducaale (Cawil), siyaasi Cali Maxamed Waran-cadde, Wasiir Cabdilaahi Maxamed Daahir (Cukuse), ayaa iyaguna hambalyeynta madaxweynaha iyo ku-xigeenka cusub ee la doortay tilmaamay sida ay lagama maarmaanka u tahay la shaqaynta madaxda cusub, isla markaana waxay isku raaceen sida ay ugu kalsoonyihiin Madaxweynaha cusub inuu yahay hoggaamiye midaynaya ummaddiisa.

Ugu dambayntii, Madaxweynaha cusub ee loo doortay Somaliland Mudane, Muuse Biixi Cabdi, ayaa ka mahadceliyey hambalyada iyo taageerada way nee madaxdhaqameedka iyo odayaasha beelweynta Garxajis siiyeen, waxaannu u sheegay inuu talo, nasteexo iyo hogo-tusaalaynba marti uga yahay, isla markaana ay qayb ka yihiin qorshihiisa guud ee uu madaxweyne ahaan uu ka leeyahay dhammaanba beelaha reer Somaliland.

Madaxweyne Muuse Biixi Cabdi, ayaa intaas ku daray inuu diyaar u yahay fulinta qorshe caddaalad iyo sinnaan ku dhisan oo uu ka hirgeliyo dalka Jamhuuriyadda Somaliland iyo dhammaan deegaannada kala duwan ee uu ka koobanyahay, isla markaana uu dhegaysan doono wax kastoo talo ah oo loo soo jeedinayo.

Salaadiinta Garxajis

rrrr

24301217_1688937351170788_6990896611982373471_n

222

UUUU

Muuse Biixi 1111

COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- DJIBOUTI NEWS
- Farshaxan
- Farriinnews
- Gabileymedia
- Gabiley24
- GabIleytoday
- Gabileynews
- GABILEYNEWS
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- MURTIMAAL.COM
- Ogaalnews.Net
- Oodwayne News
- puntboys
- qarannews
- Qodaalnews
- Qtlhost Website
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SAAXILTODAY
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- saylanews/a>
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews